सुब्रमण्यम स्वामी बर मंत्री डहरिया के तंज, दिन एम्स म दिमाग के इलाज कराए के नसीहत

रायपुर. राहुल गांधी के ऊपर विवादित टिप्पणी के बाद भारतीय जनता पार्टी के राज्यसभा सभा सांसद सुब्रमण्यम स्वामी ह बुरी तरह ले फंस चुके हे. कांग्रेस नेता मन छत्तीसगढ़ के बहुत से जिला म ओकर खिलाफ एफआईआर दर्ज करवईन हे. राजधानी रायपुर के सिविल लाइन थाना म घलो नगरीय प्रशासन मंत्री शिव डहरिया के संग म कांग्रेस के वरिष्ठजन मन एफआईआर दर्ज करवाईस हे. ये दउरान मंत्री शिव डहरिया ह मीडिया ले मुखातिब होत कहिन कि स्वामी के दिमाग के भी उपचार होना चाही. ओला एम्स अस्पताल म इलाज करवाना चाही, काबर की वो ह अपन दिमागी संतुलन ल खो बैठे हे, जेखर सती अइसन बयान देवत हे. नगरीय प्रशासन मंत्री शिव डहरिया, महापौर प्रमोद दुबे, विधायक विनय जायसवाल समेत अब्बड़ झन कांग्रेसी मन ह थाना पहुंचे रिहिन. स्वामी द्वारा राहुल गांधी ल नशेड़ी बताए जाने के बयान के बाद कांग्रेस कार्यकर्ता मन में जमके आक्रोश हे.