Home छॉलीवुड समाचार ताजा समाचार जेकर संग करिस प्रेम विवाह, उही प्रेमी ह सुपारी दे के करवा...

जेकर संग करिस प्रेम विवाह, उही प्रेमी ह सुपारी दे के करवा दिस हत्या, बस चार दिन के मया

857
0
बालोद/गुंडरदेही. जेकर प्रेम म पगली होके अपन घर-संसार ला छोड़ दिस, उही लड़का हा ओकर हत्या करवा दिस। बिहाव के चार महीना बाद पति ला डर छा गे समाज के, मां अउ नानी के बात म आके अपन पत्नी के हत्या के दे दिस सुपारी। खुद ही लेगिस घुमाए बर अउ पांच-छह झन मिलके ओला बेदर्दी ले मार डारिन।

बालोद/गुंडरदेही. जेकर प्रेम म पगली होके अपन घर-संसार ला छोड़ दिस, उही लड़का हा ओकर हत्या करवा दिस। बिहाव के चार महीना बाद पति ला डर छा गे समाज के, मां अउ नानी के बात म आके अपन पत्नी के हत्या के दे दिस सुपारी। खुद ही लेगिस घुमाए बर अउ पांच-छह झन मिलके ओला बेदर्दी ले मार डारिन।

जानकारी के अनुसार कवर्धा के सरोदा बांध ले लगे ऑक्सीजोन म 12 जुलाई के एक अज्ञात महिला के लास मिले रिहिस। ओकर पहिचान करुणा यादव (उम्र 20 साल) ग्राम नाहंदा, गुंडरदेही (बालोद) निवासी के रूप म होईस। करुणा हा प्रेम प्रसंग के चलत 4 मार्च के घर ले भाग के कवर्धा के तीर गोछिया के रहवइया शेखराम कौशिक संग बिहाव कर रिहिस। लेकिन वाह रे जुल्मी, जेकर खातिर करुणा हा अपन घर-बार छोड़िस, उही हा समाजिक जात बाहिर के डर म अपन महतारी के बात म आके ओकर बेदर्दी ले हत्या करवा दिस।

पुलिस हा करुणा के पति शेखराम के संगे-संग पांच आरोपी मन ला गिरफ्तार करके इतवार के रिमांड म जेल भेज दिस। आरोपी शेखराम हा राजमिस्त्री आय। करीब 2 साल पहिली आरोपी शेखराम हा कोपेडीह (राजनांदगांव) के ईंटा भट्ठा म मजदूरी करे बर गे रिहिस, जे हा मृतका करुणा यादव के ममा गांव ए। उहें दूनों झन के पहिचान होए रिहिस। पुलिस हा शेखराम के मां अउ नानी ला घलो ए मामला म हत्या के सह आरोपी बनाए हे, जउन मन आरोपी शेखराम ला हत्या कराए बर उकसाईन, सुपारी दिए के आइडिया दिन अउ एकर बर 20 हजार रुपया घलो दे रिहिन।

4 मार्च 2019 के पुणे (महाराष्ट्र) म शेखराम अउ करुणा हा बिहाव कर लीन। फेर न्यू चंगोराभाठा (रायपुर) म किराया के मकान लेके रहे लगिन। इही बीच शेखराम हा अपन घर गोछिया पहुंचिस, जिहां ओकर मां हा सामाजिक बहिस्कार के डर म करुणा ला मरवाए के बात किहिस।

आरोपी शेखराम हा अपन पत्नी करुणा के कत्ल के सुपारी अपन परिचित के लवकुश कौशिक (19 साल) ला दिस। लवकुश हा पहिली चोरी के आरोपी रह चुके हे। ओ हा ए साजिस म ग्राम घोठिया के रहवइया अश्वन कुमार चंदेल (22), मिथलेश बघेल (19) अउ घोठिया निवासी कुश भटपहरी (19) ला घलो अपन संग मिला लीन।

11 जुलाई के रात 8 बजे हत्या के समय तय होईस। मुख्य आरोपी शेखराम हा पत्नी करुणा ला सरोदा बांध घुमाए के झांसा देके ओला ऑक्सीजोन लेके पहुंचिस, जिहां बाकी आरोपी मन पहिली ले मौजूद रिहिन। आरोपी मन हा करुणा के गला म गमछा बांध के ओला घिल्लाईन। एक झन आरोपी हा ओकर गला म चाकू भोंग दिस। ओकर बाद झाड़-झंखाड़ डाहर तीरत ले जाके ओकर सिर ला पथरा मार-मार के कुचर दिन अउ फरार होगें।

कोतवाली थाना कवर्धा टीआई बृजेश कुशवाहा हा बताईन कि शिनाख्ती बर मृतका के शव के फोटो सोशल मीडिया म वायरल कर दे रिहिन। वाट्सएप म मृतका के दीदी- जीजा मन शव के पहिचान करिन। शव के हाथ म गोदना ले केकेवाय लिखाय रिहिस, जेला शादी के पहिली मृतका हा गोदवाय रिहिस। केकेवाय के मतलब कुमारी करुणा यादव। इही गोदना हा पुलिस बर अहम सुराग साबित होईस।

एती गुंडरदेही टीआई रोहित मालेकर के कहना हे कि करुणा अउ सुकृता यादव दूनों सगे बहिनी मार्च म घर ले गायब हो गे रिहिन। कोमल ठाकुर संग सुकृता के अफेयर रिहिस। ओकरे दोस्त शेखराम संग करुणा के अफेयर शुरू होईस। दूनों जोड़ी भाग गें। पुणे ले शादी के प्रमाण पत्र घलो ले आने रिहिन। करुणा ला पिता के सुपुर्द कर दे गे रिहिस। हालांकि करुणा हा फेर उही लड़का संग चले गे रिहिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.