जय जोहार…. (Jagdalpur) जगदलपुर शहर के अलग-अलग स्थान ले पुलिस ह चोरी के 5 मोटर साइकिल ल बरामद करे हे। संगेसंग दू आरोपी ल घलो गिरफ्तार कर ले हे।
पुलिस से मिले जानकारी के मुताबिक (Jagdalpur) जगदलपुर म पिछिले कुछु दिन ले मोटरसाइकिल, केटीएम, बुलेट, स्कूटी, हीरो मोटरसाइकिल चोरी होय के सूचना पुलिस ल प्राप्त होवत रिहिन, जेखर बाद पुलिस अधीक्षक दीपक कुमार झा, अतिरिक्त पुलिस अधीक्षक ओमप्रकाश शर्मा अऊ नगर पुलिस अधीक्षक हेमसागर सिदार के मार्गदर्शन म थाना प्रभारी कोतवाली निरीक्षक एमन साहू के नेतृत्व म अनुसंधान बर टीम गठित करे गे रिहिन।
ए टीम ह वारदात अऊ संदिग्ध गतिविधि ल धियान म रखत हुये मेटगुड़ा निवासी गौरव वर्मा अऊ महारानी वार्ड निवासी अभिजीत सिंह ले पूछताछ करिन। जेमा दुनो संदेही ह अलग-अलग तारिख के मोटरसाइकिल, केटीएम, बुलेट, स्कूटी, हीरो मोटरसाइकिल समेत एक आन बाइक ल चोरी करना स्वीकार कर ले हे।
पुलिस ह बाइक क्रमांक सीजी 17 केके 6709, सीजी 17 केडी 4440, ओडी 10 जी 1257, सीजी 07 बीएन 2559, सीजी 17 केएम 5129 ल जब्त कर ले हे। संगेसंग आरोपी मन के तरफ ले प्रयुक्त मोटरसाइकिल ल घलो जब्त कर ले गे हे। कार्यवाही म भूमिका अदा करइया म (Jagdalpur) कोतवाली थाना प्रभारी एमन साहू, उपनिरीक्षक होरीलाल नोविक, पियूष बघेल, सउनि प्रेम पानीग्रही, सुजाता डोरा, प्रधान आरक्षक सेवादास गेंदले, आरक्षक वेदप्रकाश देशमुख, भुपेंद्र नेताम, गायत्री प्रसाद तारम, रविंद्र कुमार ठाकुर अऊ रवि सरदार के रिहिन।
No Comment! Be the first one.