Home ब्रेकिंग न्यूज ए चार शहर बर रायपुर ले सुरू होही उड़ान, मुम्बई बर अभी...

ए चार शहर बर रायपुर ले सुरू होही उड़ान, मुम्बई बर अभी नई मिलही फ्लाइट

482
0

जय जोहार…. सोमवार ले घरेलू उड़ान सेवा ह सुरू होवत हे। रायपुर ले दिल्ली, हैदराबाद, बंगलुरू अऊ कोलकाता बर फ्लाइट सुरू होही। दिल्ली के हवाई फेयर 5200 ले 8000 रूपिया अऊ बंगलुरू के फेयर 5600 ले 7500 रूपिया हे। अइसने कोलकाता बर 4900 ले 6500 रूपिया अऊ हैदराबाद के हवाई फेयर ह 5100 ले 6500 रूपिया हे।

नवा गाइडलाइन के अनुसार शहर बर न्यूनतम किराया 3500 या सीट के उपलब्धता म कम घलो हो सकत हे, लेकिन 10 हजार ले जियादा नई होही। मुम्बई ह हॉटस्पॉट हे, एखर सेति मुम्बई बर उड़ान सुरू नई करे गे हे।  नवा गाइडलाइन के अनुसार इंडिगो एयरलाइंस के दिल्ली ले रायपुर बर दू फ्लाइट ह उड़ान भरही।

यात्री मन ल एयरपोर्ट म जरूरी नियम के पालन करे ल होही। ऊहचे एयरपोर्ट अथारिटी ऑफ इंडिया के ओर ले जारी एडवाइजरी के घलो पालन करे ल होही। एडवाइजरी नियम के मुताबिक यात्री मन ल बैग म सेनेटाइजर रखे ल होही। मास्क लगाय ल अनिवार्य होही।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.