राहत भरे खबर, चार मरीज मन ह दिस कोरोना ल मात, एम्स ह करिन डिस्चार्ज

जय जोहार…. छत्तीसगढ़ बर कोरोना ले जुड़े राहत भरे खबर सामने आवत हे। प्रदेश म चार मरीज मन ह कोरोना ल मात दे दे हे। अखिल भारतीय आयुर्विज्ञान संस्थान (एम्स) रायपुर ह स्वस्थ होय के बाद बलौदाबाजार जिला के चार मरीज मन ल छुट्‌टी दे दे हे। अब बचे जिला के 15 मरीज मन के इलाज चलत हे। गौरतलब हे कि जिला म कोरोना के कुल 19 मामले दर्ज होय हे।

जानकारी के मुताबिक डिस्चार्ज हुये मरीज मन म जिला के बिलाईगढ़ विकासखण्ड के दू, बलौदाबाजार अऊ सिमगा विकासखण्ड के एक-एक मरीज शामिल हे। ए सब्बो मरीज ह प्रवासी श्रमिक हे, जेन ह पिछले 12 ले 14 मई के बीच हैदराबाद, महाराष्ट्र अऊ कोरबा ले वापस आय रहिस। सब्बो ह अपन गांव के स्कूल भवन म क्वारेंटाइन के पीरियड काटत रहिस। ए दौरान सैम्पल लेके जांच कराय जाय म पाजिटिव केस मिले रहिस।