Home ताजा समाचार गरियाबन्द कलेक्टर ह ए क्षेत्र ल करिन कन्टेनमेंट जोन घोसित

गरियाबन्द कलेक्टर ह ए क्षेत्र ल करिन कन्टेनमेंट जोन घोसित

184
0

जय जोहार…. जिला मुख्यालय गरियाबंद के आमदी (म) म गुरुवार के कोरोना के तीन नवा मरीज मिले के बाद कलेक्टर छतर सिंह डेहरे ह सम्बंधित क्षेत्र के चिन्हित परिधि ल कन्टेनमेंट जोन घोसित करे हे।

उहचे तीन किलोमीटर के दायरा ल बफर जोन घोसित करे गे हे।  गरियाबंद विकासखण्ड के गरियाबंद के आमदी (म) के पूर्व दिशा म बीआरसीसी भवन अउ पेट्रोल पंप के पास, पश्चिम दिशा में सरोज कुंजाम अउ रामराज के घर, उत्तर दिशा म बीएमओ ऑफिस के पास राम प्रसाद के घर अउ दक्षिण दिशा म कमार आश्रम छात्रावास अउ जिला अस्पताल ल कन्टेनमेंट जोन घोसित करे गे हे।

जारी आदेश म कन्टेनमेंट जोन के उक्त चिन्हित क्षेत्र अंतर्गत सब्बो दुकान अउ आन वाणिज्यिक प्रतिष्ठान ह अवइया आदेश तक बन्द रही।

प्रभारी अधिकारी के तरफ ले घर पहुंच सेवा ले आवश्यक वस्तु के आपूर्ति ल उचित दर म सुनिश्चित करे जाही। सब्बो प्रकार के वाहन के आवागमन ह प्रतिबन्धित रही।

स्वास्थ्य विभाग के निर्देश के अनुसार सर्विलांस, कान्टेक्ट, ट्रेसिंग अउ सैम्पल जांच आदि के कार्यवाही करे जाही।
ए कन्टेनमेंट जोन म कार्यवाही बर अधिकारी मन ल दायित्व सौंपे गे हे।

केवल एक प्रवेश द्वार अऊ निकास बर बैरिकेटिंग बर कार्यपालन अभियंता लोक निर्माण विभाग, निकास समेत क्षेत्र के सेनिटाइजिंग व्यवस्था अउ आवश्यक वस्तु के उपलब्धता सुनिश्चित करे ल गरियाबन्द जनपद के मुख्य कार्यपालन अधिकारी एवं मुख्य नगर पालिका अधिकारी ल दायित्व सौंपे गे हे।

कान्टेक्ट ट्रेसिंग बर मुख्य चिकित्सा अउ स्वास्थ्य अधिकारी गरियाबंद ल दायित्व सौंपे गे हे। खण्ड चिकित्सा अधिकारी गरियाबंद ल स्वास्थ्य टीम ल दवा, मास्क, पीपीई कीट उपलब्ध कराय अउ बायोमेडिकल अपशिष्ट प्रबंधन अउ महिला अउ बाल विकास विभाग गरियबांद के पर्यवेक्षक शशिबाला मसीह ल घर के एक्टिव सर्विलांस अउ विकासखण्ड शिक्षा अधिकारी ल खंड स्तर म स्थापित नियंत्रण कक्ष म व्यवस्था बर दायित्व सौंपे गे हे।

पुलिस विभाग के अनुविभागीय अधिकारी संजय ध्रुव ल दुकान बन्द करवाय और आवागमन प्रतिबंधित करे के दायित्व सौंपे गे है। आरटीओ निरीक्षक जितेंद्र भूषण अउ मुख्य नगर पालिका अधिकारी संध्या वर्मा ल पर्यवेक्षण अधिकारी नियुक्त करे गे हे। अनुविभागीय दण्डाधिकारी गरियाबंद निर्भय साहू ह संबंधित क्षेत्र के संपूर्ण प्रभार म रही।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.