धमतरी। ब्लॉक कांग्रेस कमेटी ह सड़क निर्मान, सड़क चौड़ीकरन के मांग ल लेके कलेक्टरेट के घेराव करिन अऊ सरकार के खिलाफ जमके नारेबाजी करिन। बता दन कि कोलियारी ले झुरानवागांव तक 25 किलोमीटर के सड़क के निर्मान सहित चौड़ीकरन के मांग लंबा बेरा ले करे जात हे। प्रदर्सनकारी कांग्रेस कार्यकर्ता मन बताइन कि पहिली घलो होए आंदोलन के बाद प्रसासन ह सड़क मरम्मत अऊ चौड़ीकरन के आश्वासन दे रहिस, जेकर बाद आज तक मरम्मत अऊ चौड़ीकरन नइ कराए गिस। अइसन म कांग्रेस ह जिला प्रसासन के ध्यान खींचे बर तीन दिन के पदयात्रा के अंतिम दिन कलेक्टरेट के घेराव करके प्रदर्सन करिन।
