जय जोहार…. (Assembly) विधानसभा म आज पूर्व मंत्री अऊ विधायक बृजमोहन अग्रवाल ह परिवहन चेक पोस्ट ले प्राप्त राजस्व ल लेके सवाल उठाइन। वो हा परिवहन मंत्री ले पूछिन कि प्रदेश म बन्द चेक पोस्ट ल कब सुरू करे गे हे। चेक पोस्ट ले कतना राशि वसूल करे गिस। समझौता सुल्क कतना ले गिस। चेक पोस्ट म कतना कर्मचारी कार्यरत हे, का चेक पोस्ट म धरमकांटा लगे हे।
अपन जवाब म (Assembly) परिवहन मंत्री मोहम्मद अकबर ह बताईस कि 17 जुलाई 2020 ले प्रदेश म बन्द करे गे चेक पोस्ट ल फेर सुरू करे गे हे। प्रदेश के 16 म ले कोनो घलो चेक पोस्ट म धरमकांटा स्थापित नई हे।
(Assembly) वो हा बताईस कि 6 महिना 13 दिन म चेक पोस्ट ले 44 करेाड़ 76 लाख 79 हजार 857 रुपया के वसूली करे गे हे। जेमा फीस के रूप म 41 लाख 71 हजार 830, समझौता सुल्क के रूप म 38 करोड़ 33 लाख 56 हजार 400 अऊ टैक्स के रूप म 6 करोड़ 1 लाख 51 हजार 657 रुपया प्राप्त होय हे।
No Comment! Be the first one.