congress: वादा ल पूरा करइया सरकार हे भूपेश बघेल के – शैलेश नितिन त्रिवेदी

जय जोहार…. छत्तीसगढ़ सरकार के तरफ ले शिक्षाकर्मी मन के संविलियन आदेश जारी करे जाय के प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह स्वागत करे हे।

वो हा कहिन कि कांग्रेस के सरकार, मुख्यमंत्री भूपेश बघेल के सरकार ह वादा पूरा करइया सरकार हे।

कोरोना संकट सती सबो वित्तीय परेशानी के बावजूद शिक्षाकर्मी मन के संविलियन आदेश ल जारी कर के मुख्यमंत्री भूपेश बघेल के सरकार ह बड़ अकन बड़का कदम उठाय हे।
प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि साल 2003 म भाजपा के सरकार ह शिक्षाकर्मी मन के संविलियन के वादा कर के बने रिहिस,

लेकिन भाजपा ह साल 2003 ले ले के 2018 तक शिक्षाकर्मी मन के संविलियन बर एक रूपिया के राशि के घलो प्रावधान ल नई करिस। शिक्षाकर्मी मन के संविलियन के घोसना त करे गिस, लेकिन बिना कोनो वित्तीय प्रबंधन के।
प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि साल 2018 म कांग्रेस के सरकार बने के बाद शिक्षाकर्मी मन के संविलियन बर राशि के व्यवस्था घलो करे गिस अउ शिक्षाकर्मी मन के संविलियन घलो करे जावत हे।

विपरीत आर्थिक परिस्थिति म घलो कांग्रेस सरकार के अपन वादा ल पूरा करे के प्रति प्रतिबद्धता हे।