जय जोहार….(chhattisgarh) रेडियो म काली हमर ग्रामसभा कार्यक्रम ह प्रसारित होही। शाम साढ़े सात बजे ले आठ बजे तक प्रसारित होवइया ए कार्यक्रम म पंचायत अउ ग्रामीण विकास मंत्री टीएस सिंहदेव ह वाट्सएप के माध्यम ले श्रोता मन के सवाल के जवाब देही।
(chhattisgarh) पंचायत मंत्री सिंहदेव ह ए कार्यक्रम म राज्य शासन के नीति, योजना अउ कार्यक्रम के बारे म घलो श्रोता मन के जिज्ञासा के समाधान घलो करही। ए कार्यक्रम ल मीडियम वेब 981 किलो हर्ट्ज म सुने जा सकत हे। प्रदेश म आकाशवाणी के सबो केंद्र ह ए कार्यक्रम ल प्रसारित करही।
विभागीय योजना के जानकारी अउ ओखर लाभ उठाय ल मनखे मन ल प्रेरित करने (chhattisgarh) राज्य शासन के पंचायत-ग्रामीण विभाग, ठाकुर प्यारेलाल राज्य पंचायत अउ ग्रामीण विकास संस्थान निमोरा के तरफ ले साप्ताहिक रेडियो कार्यक्रम हमर ग्रामसभा के निर्माण करे जात हे। एला आकाशवाणी रायपुर के तरफ ले हरेक रविवार शाम साढ़े सात बजे ले आठ बजे प्रसारित करे जात हे। 4 अप्रैल के एखर 36वां कड़ी के प्रसारण होही।
No Comment! Be the first one.