जय जोहार। मुख्यमंत्री भूपेश बघेल के विसेस पहल म राज्य के गौठान म 28 जुलाई हरेली तिहार ले गौ-मूत्र के खरीदी के सुरुवात होही । पहलइया चरण म हरेक जिला के दू ठीन चयनित स्वावलंबी गौठान म गौ-मूत्र के खरीदी करे जाही । गौठान प्रबंध समिति पसुपालक ले गौ-मूत्र क्रय करे बर स्थानीय स्तर म दर निर्धारित कर सकही ।
कृषि विकास-किसान कल्याण अउ जैव प्रौद्योगिकी विभाग छत्तीसगढ़ सासन डहार ले राज्य म गौ-मूत्र क्रय बर न्यूनतम रासि 4 रुपिया प्रति लीटर प्रस्तावित करे गेहे। क्रय गौ-मूत्र ले महिला स्व-सहायता समूह के मदद ले जीवामृत अउ कीट नियंत्रक उत्पाद तैयार करे जाही। चयनित समूह ल पशु चिकित्सा विभाग अउ कृषि विज्ञान केन्द्र के सहयोग ले प्रसिक्षण घलो दे जाही ।
गोधन न्याय मिसन के प्रबंध संचालक डॉ. अय्याज तम्बोली ह सबो कलेक्टर ल गौठान म गौ-मूत्र के खरीदी ल लेके सभी आवश्यक तैयारी सुनिश्चित लारे ल केहे हे । वो हा किहीन कि गौ-मूत्र के क्रय गौठान प्रबंधन समिति स्वयं के बैंक खाता म उपलब्ध गोधन न्याय योजना अंतर्गत प्राप्ति, चक्रीय निधि ब्याज के रासि ले करही ।
No Comment! Be the first one.