जय जोहार…. स्वास्थ्य मंत्री टीएस सिंहदेव ह आज प्रदेश म कोविड-19 के जांच अऊ इलाज बर व्यवस्था के समीक्षा करिन। स्वास्थ्य मंत्री सिंहदेव ह राज्य कंट्रोल एंड कमान्ड सेन्टर के बइठक म कोविड-19 के इलाज बर बनाय जावत विशेषीकृत अस्पताल के काम ल जल्द पूरा करे के निर्देश दे हे।
वो हा कोरोना वायरस के जियादा संदिग्ध संक्रमित मन के जांच बर बिलासपुर, अम्बिकापुर अऊ राजनांदगांव मेडिकल कालेज म लैब के स्थापना के काम म तेजी लाय ल केहे हे। अभी रायपुर के एम्स अऊ डॉ. भीमराव अंबेडकर स्मृति चिकित्सालय, जगदलपुर अऊ रायगढ़ मेडिकल कालेज म कोरोना वायरस के आरटीपीसीआर जांच होवत हे।
स्वास्थ्य मंत्री सिंहदेव ह बइठक म जांच किट, पीपीई किट, वीटीएम, वेंटिलेटर्स, एन-95 मास्क, ट्रिपल लेयर मास्क अऊ सर्जिकल मास्क के उपलब्धता अऊ आपूर्ति के घलो समीक्षा करिन। वो हा कोविड 19 के इलाज करत डॉक्टर अऊ सक्रमित मन के देखभाल म लगे हुये मेडिकल स्टाफ ल घलो आवश्यक संसाधन अऊ व्यक्तिगत सुरक्षात्मक उपाय ल उपलब्ध कराय के निर्देश दिस।
No Comment! Be the first one.