Raipur : स्वास्थ्य मंत्री टीएस सिंहदेव ह जिला आयुर्वेद चिकित्सालय अउ यूपीएचसी के करीन निरीक्षण

जय जोहार। (Raipur) स्वास्थ्य मंत्री टीएस सिंहदेव ह आज अपन बस्तर प्रवास के दुसरइया दिन जगदलपुर म जिला आयुर्वेद चिकित्सालय अउ सहरी प्राथमिक स्वास्थ्य केंद्र के निरीक्षण करीन। वोहा आयुर्वेद चिकित्सालय म भगवान धनवंतरि के प्रतिमा म पुष्प अर्पित कर के परिसर के निरीक्षण करीन । वोहा ए दउरान चिकित्सक के बइठक व्यवस्था अउ दैनिक काम के जानकारी लीन।

स्वास्थ्य मंत्री श्री सिंहदेव ह आयुर्वेद चिकित्सालय परिसर म संचालित सहरी प्राथमिक स्वास्थ्य केंद्र (UPHC) के निरीक्षण के दउरान बालिका स्वास्थ्य के जांच कराय पहुंचे हितग्राही मन ले बातचीत करीन । वोहा यूपीएचसी म मानव संसाधन बढ़ाय स्वास्थ्य विभाग के संभागीय संयुक्त संचालक डॉ. राजन, मुख्य चिकित्सा अउ स्वास्थ्य अधिकारी डॉ. चतुर्वेदी ले चर्चा करीन । मंत्री श्री सिंहदेव ह उंहा दवा वितरण कक्ष के निरीक्षण करीन अउ दवाई के उपलब्धता, भंडारण के स्थिति, एक्सपायरी डेट के जानकारी लीन। वोहा परिसर के निरीक्षण के दउरान प्रसाधन कक्ष के घलो अवलोकन करीन अउ सफाई व्यवस्था के सराहना करीन ।

मंत्री श्री सिंहदेव ह यूपीएचसी म बालिका दिवस म आयोजित चित्रकला प्रतियोगिता के विजेता ल पुरस्कार घलो देहे। परिसर के निरीक्षण के दउरान जिला आयुर्वेद चिकित्सालय के प्रभारी अधिकारी डॉ. नेताम डॉक्टर अउ स्टॉफ नर्स मौजूद रिहीन । मंत्री श्री सिंहदेव ह जगदलपुर न 69 लाख 84 हजार रुपिया के लागत ले निर्माणाधीन यूपीएचसी भवन के घलो अवलोकन करीन ।