Raipur: हेल्पेज इंडिया ह वृद्ध स्वयं सहायता समूह बनाय के करिन घोसना, पढो पूरा खबर
जय जोहार…. (Raipur) अंतर्राष्ट्रीय वृद्धजन दिवस म हेल्पेज इंडिया रायपुर के कार्यालय म सनिच्चर के बुजुर्ग मन ल सामाजिक समावेशन बर वेबिनार के आयोजन करे गे हे।
ए कार्यक्रम म हेल्पेज इंडिया के राज्य प्रभारी शभांकर विश्वास ह हेल्पेज इंडिया के तरफ ले निर्मित वृद्ध स्वसहायता समूह ल छत्तीसगढ़ राज्य ग्रामीण आजीविका मिशन बिहान के तरफ ले मॉडल परियोजना के रूप म अधिग्रहित करे गे हे। संगेसंग पूरा राज्य के कुछु आजीविका मिशन के तहत वृद्ध स्वयं सहायता समूह बनाय के घोसना करे हे।
(Raipur) वो हा बताइस कि छत्तीसगढ़ म पहिली बार हेल्पेज इंडिया के तरफ ले बलौदाबाजार जिला के अंतर्गत भाटापारा जनपद म लगभग 600 बुजुर्ग मन ल संगठित कर आत्मनिर्भर बनाय ल आजीविका कार्यक्रम के तीन साल पहिले शुरुआत करे गे रिहिन। ग्रामीण बुजुर्ग मन बर ये परियोजना ह वरदान साबित होही। एखर ले जुड़ के असंगठित क्षेत्र के बुजुर्ग मन ल अपन आजीविका चलाय ल सरकारी मदद के आलावा बैंक ले ऋण घलो मिल पाही।
