जय जोहार…. छत्तीसगढ़ म कोरोना (corona) संक्रमण के फैलाव ह अब हर स्तर म देखे ल मिलत हे।
पुलिस मुख्यालय म डीआईजी स्तर के अधिकारी के रिपोर्ट ह कोरोना पाजिटिव आय के बाद अब एडीजी स्तर के अधिकारी ह कोरोना के चपेट म आ गे हे।
जानकारी के अनुसार अतिरिक्त पुलिस महानिदेशक के संग ओखर पत्नी अउ बेटी के रिपोर्ट ह कोरोना (corona) पाजिटिव मिले हे।
गौरतलब हे कि प्रदेश म बीते शुक्रवार के कोरोना के 426 नवा मामला के पहचान होय हे, जेमा ले रायपुर ले 244, राजनांदगांव ले 28, दुर्ग ले 20, बस्तर ले 18, कांकेर ले 15, कोंडागांव अउ कोरबा ले 14-14, बलरामपुर ले 11, रायगढ़ ले 10, बीजापुर अउ सरगुजा ले 9-9, सूरजपुर ले 8, बेमेतरा ले 7, जांजगीर-चांपा ले 6, जशपुर ले 3, बालोद, बलौदाबाजार, बिलासपुर अउ दंतेवाड़ा ले 2-2, महासमुंद अउ गरियाबंद ले एक-एक मरीज शामिल हे।
बता देन कि प्रदेश म कोरोना (corona) संक्रमित मरीज मन के कुल संख्या ह 6819 पहुंच गे हे। जेमा ले सक्रिय मरीज मन के संख्या ह 2216 हो गे हे।
उहचे 4567 मरीज मन ल बने होय के बाद डिस्चार्ज कर दे गे हे। ए वायरस ले प्रदेश म अब तक 36 लोगन मन के मौत हो गे हे।
No Comment! Be the first one.