जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म आज कोरोना के 3120 नवा मामला दर्ज करे गे हे।
उहचे 759 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 21 मरीज मन के मौत हो गे हे।
आज जेन कोरोना (corona) के नवा मरीज मिले हे, ओमा राजधानी ले 764, राजनांदगांव ले 273, दुर्ग ले 263, रायगढ़ ले 180, कबीरधाम अऊ जांजगीर ले 150-150, बिलासपुर ले 128, बस्तर ले 126, मुंगेली ले 106, धमतरी ले 91, महासमुंद ले 84, गरियाबंद ले 73, कोरिया ले 72, कांकेर ले 66, बेमेतरा अऊ सरगुजा ले 65-65, सुकमा ले 59, कोंडागांव ले 58, बीजापुर ले 56, गौरेला-पेंड्रा-मरवाही ले 53, बालोद ले 52, बलौदाबाजार ले 39, सुराजौर ले 36, कोरबा ले 27, नारायणपुर ले 25, बलरामपुर अऊ दंतेवाड़ा ले 22-22, जशपुर ले 12 मरीज सामिल हे।
बता दन कि प्रदेश म कोरोना (corona) संक्रमित मन के कुल संख्या ह बाढ़ के 61763 हो गे हे। जेमा ले 33246 एक्टिव मामला हे।
उहचे 27978 लोगन मन ह कोरोना ल मात दे के अपन घर लहुट चुके हे। ए वायरस ले प्रदेश म अब तक 539 लोगन मन के मौत हो गे हे।
No Comment! Be the first one.