आप मन करा 100 साल पुराना कोई चीज हे त जतन के राखव, काबर? जाने बर ये खबर पढ़व

भोपाल। अगर आप मन करा घर म कोई सामान 100 साल ले जादा पुराना हे, त ओला जतन के राखव, ओला म्यूजियम म जगा मिल सकथे। एकर पहल भारतीय पुरातत्व सर्वेक्षण (एएसआई) के तरफ ले करे जावत हे। अब कोनो भी आदमी हा 100 साल पुराना समान ला बिदेस घलो नई ले जा सकय।

भारतीय पुरातत्व सर्वेक्षण हा अइसन कीमती अउ प्राचीन वस्तु मन के पंजीयन करइया हे। जेंकर अपन अलगेच महत्व हे अउ ओला इतिहास म अलग पहिचान मिले, ऐसे वस्तु मन के सबले पहिली पंजीयन करे जाही ओकर बाद संबंधित व्यक्ति ला प्रमाण-पत्र भी दिए जाही। अइसे होय ले कीमती धरोहर ला एक पहिचान मिल सकही अउ ओला म्यूजियम म घलो रखवाए जाय सकही।

केंद्रीय पर्यटन अउ संस्कृति मंत्री प्रहलाद पटेल के कहना हे कि एकर खाका तैयार हे, अवइया दू महीना म काम शुरू हो जाही। अक्सर घर म पुराना सामान होथे अउ उंकर अपन अलग महत्व होही।

भले घर के लोगन बर ओ चीज मन के महत्व नई होही, फेर ओहा दूसर बर प्रेरणादायी होथे, ऐसी वस्तु मन के पंजीयन करे बर एएसआई डाहर ले मुहिम चलाए जाही। एकर बाद भी जे लोगन मन अइसे नई कराहीं अउ अवइया समय म अइसे वस्तु पाए जाही त ये हा अपराध म माने जाही।