जय जोहार। (chhattisgarh ) मुख्यमंत्री भूपेश बघेल के मंसा के अनुरूप प्रदेस के वनवासी के हित ल धियान म रखत हुए राज्य सरकार डहार ले छत्तीसगढ़ म वर्तमान म समर्थन मूल्य म 65 लघु वनोपज के खरीदी करे जावत हे । राज्य सरकार के ये फइसला वनाचंल के वनवासी अउ आदिवासी के हित म अहम् साबित होवत हे । लघु वनोपज के संख्या म वृद्धि होय ले ओखर आय म घलो बढ़ोतरी होए हे ।
ए तारतम्य म वन अउ जलवायु परिवर्तन मंत्री मोहम्मद अकबर ह बताइन कि छत्तीसगढ़ म देस के 74 फीसद लघु वनोपज संग्रहित होत हे , जेन देस म अव्वल हे । सरकार ह संग्राहक के हित म लघु वनोपज के संख्या म 9 गुना वृद्धि करत हुए 7 ले बढ़ाके 65 लघु वनोपज के खरीदी करे के निर्णय लेहे । एखर सेती ए चार बछर म संग्राहक के संख्या म घलो 4 गुना ले जादा के बढ़ोत्तरी होए हे , बछर 2018-19 म संग्राहक के संख्या 1.5 लाख रिहीन, जेन आज बढ़के 6 लाख हो गेहे ।
ए दउरान लघु वनोपज संग्रहण पारिश्रमिक बछर 2019-20 म 23 करोड़ 50 लाख रूपिया के रासि के भुगतान संग्रहक मन ल करे गेहे । अइसने बछर 2020-21 म 158 करोड़ 65 लाख रुपिया, बछर 2021-22 म 116 करोड़ 79 लाख रूपिया अउ बछर 2022-23 म (जनवरी 2023 के स्थिति म ) 57 करोड़ 50 लाख रुपिया के रासि के भुगतान संग्राहक ल करे गेहे । अइसने छत्तीसगढ़ म चार बछर म 356 करोड़ 44 लाख रुपिया मूल्य के लघु वनोपज क्रय करे गेहे।
Other Articles
