Home ताजा समाचार दू दिन किराना दूकान म मिलही राखी , २९ अऊ ३० जुलाई...

दू दिन किराना दूकान म मिलही राखी , २९ अऊ ३० जुलाई के सुबह १० बजे तक दे गे हे ढील

732
0
दू दिन किराना दूकान म मिलही राखी , २९ अऊ ३० जुलाई के सुबह १० बजे तक दे गे हे ढील

जय जोहार रायपुर… रायपुर नगर निगम क्षेत्र म लॉक डाउन के अवधि ६ अगस्त तक बाढ़ गे हे , इही बीच म भाई बहिनी के त्यौहार रक्षाबंधन घलो हे ,एला देख के प्रशासन ह निर्णय ले हे कि ये बीच म दू दिन २९ अऊ ३० तारिक के किराना दूकान खोले जा सकथे जेमा राखी अऊ ओखर ले सम्बंधित सामग्री मिल पाही अऊ मिठाई बर ऑनलाइन आर्डर करे ल पड़ही,

प्रशासन ह ये निर्णय कोरोना संक्रमण के अधिकता ल देख के ले हे संगे संग मास्क अऊ शारीरिक दुरी के पालन करना अनिवार्य हे , काली मुख्यमंत्री के अध्यक्षता म एक बैठक होईस जेमा ये निर्णय ले गे रिहिस,

एखर पहिली २१ जुलाई के लगे लॉक डाउन म किराना दूकान के संचालन म प्रतिबन्ध रिहिस लेकिन ईद उल जुहा अऊ राखी के मद्देनजर ये छुट के प्रावधान करे गे हे लेकिन नियम के पालन करना भी अनिवार्य होही.

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.