बिलासपुर. उद्योग बर दे रिहिस जमीन म अन्य व्यवसाय संचालित करे के जांच करे जाही। एखर बर एक समिति बनाही, जेन ह दू महीना के भीतर जांच कर अपन रिपोर्ट ल सौंपही। जांच रिपोर्ट के आधार म दोषी पाए जाने वालों के खिलाफ सख्त कार्रवाई करे जाही। ये बात ल वाणिज्यिक कर अउ उद्योग मंत्री कवासी लखमा ह आज मंथन सभाकक्ष में बिलासपुर अउ सरगुजा संभाग स्तरीय उद्योग विभाग के समीक्षा बैइठक म कहिन।
बैइठक म मंत्री लखमा ह उद्योगों बर आबंटित जमीन म अन्य व्यवसाय संचालित करईया मन ऊपर सख्ती करे के निरदेश दीन हे। संग म ये भी निरदेश दीन कि जेन मन ह उद्योग बर जमीन आबंटित कराए हे फेर लंबे समय तक उद्योग नई लगाए हे उंखर जमीन के आबंटन ल तुरंत निरस्त करे जाए। उद्योग विभाग के अधिकारी ल एक महीना के भीतर फूड पार्क बर जमीन चिन्हित कर जानकारी भेजे के घलोक निरदेश दीन हे। बैइठक म नवा उद्योग के स्थापना, नवा फूड पार्क बनाए बर जमीन के चयन, लोक सेवा गारंटी अधिनियम के पालन के समीक्षा करिन हे। बैइठक म बिलासपुर विधायक शैलेष पाण्डेय, तखतपुर विधायक रश्मि सिंह, प्रमख सचिव वाणिज्य उद्योग मनोज पिंगुआ, सीएसआईडीसी के प्रबंध संचालक अरूण प्रसाद, संभागायुक्त बी.एल.बंजारे, कलेक्टर डॉ.संजय अलंग अउ बिलासपुर, सरगुजा संभाग के अधिकारी मौजूद रिहिन हे।
No Comment! Be the first one.