जय जोहार…. मुख्यमंत्री भूपेश बघेल ह सब्बो थाना ल आदर्श थाना के रूप म विकसित करे के निर्देश दे हे। सीएम के मंशा के अनुरूप आदर्श थाना अउ आदर्श थाना प्रभारी योजना ह एक जुलाई ले सुरू करे जावत हे।
ए क्रम म डीजीपी डीएम अवस्थी ह आज प्रदेश के 128 ले जियादा थानेदार मन ले वीडियो कालिंग एप ले एक संग बातचीत करे हे। वो हा कहिन कि जेन घलो आदर्श थाना के तय मापदण्ड म खरा उतरही, ओला पुरस्कृत करे जाही।
डीजीपी डीएम अवस्था ह सब्बो थाना प्रभारी मन ल बताइस कि आदर्श थाना के कुछु मापदण्ड ल तय करे गे हे। जइसे थाना म आमजन के संग थाना प्रभारी अउ आन स्टाफ के आचरण ह कइसे हे। पीड़ित व्यक्ति, महिला अऊ लईका मन ह थाना म बेखौफ हो के अपन बात ल कह पाएं।
फरियादी मन के संग संवेदनशील व्यवहार रखे अऊ ओखर समस्या के तुरंत समाधान करे। गुंडा-बदमाश अऊ असामाजिक तत्व के विरुद्ध कठोर कार्रवाई करे जाए। आदर्श थाना बने बर सब्बो थाना ह आपस म प्रतियोगिता रखे, जेखर ले जियादा ले जियादा थाना ह आदर्श बन सके।
No Comment! Be the first one.