प्रसिक्छन लेवइया 40 महिला मन 6 महिना ले बेरोजगार

धमतरी । जिला म सासन के योजना के तहत ई-रिक्सा चलाए के प्रसिक्छन लेवइया महिला मन 6 महिना ले बेरोजगार बइठे हे। जेकर चलत महिला मन जिला प्रसासन ले जल्दी ई-रिक्सा दे के मांग करीस हे। असल म जिला म महिला मन ल ससक्त बनाए बर योजना के तहत आटीसी ह लगभग 100 महिला मन ल ई-रिक्सा चलाय के प्रसिक्छन देहे रीहिस। फेर प्रसिक्छन ले के बाद घलो लगभग 40 महिला मन ल रोजगार बर भटके बर पड़त हे। फिलहाल जिला प्रसासन ह ई-रिक्सा मंगाए बर टेंडर जारी करे के बात कहत हे।