किडनी के बीमारी ले सिराय मनखे के परिजन मन ल 50-50 हजार

रायपुर । सीएम रमन सिंह ह गरियाबंद जिला के सुपेबेड़ा म किडनी के बीमारी ले खतम होय मनखे के परिजन मन ल 50-50 हजार रुपए देय के घोसना करिन हे। ये संबंध म उमन गरियाबंद कलेक्टर ले बातचीत करिन। समस्या मन के केवल अध्ययन करे के संग ही निराकरन करे के निर्देस दिस हे। येकर संग निराश्रित महिला मन ल श्रम विभाग के योजना मन के लाभ देय के निर्देस दिस हे।
प्रभावित परिवार के महिला मन ल रोजगार देय के आस्वासन दिस हे। बेहतर इलाज बर सीएम ह स्वास्थ्य संचालक ले घलो बात करिन। बता दन कि सुपेबेड़ा के किडनी के बीमारी ले प्रभावित लोग न मन ह आज शुक्रवार के सीएम हाउस म मुख्यमंत्री डॉ. रमन सिंह ले मुलाकात करिन। ये दउरान मुआवजा के संग जरूरतमंद मन ल नउकरी देय के घलो मांग करिन।