जय जोहार…. (Chhattisgarh) प्रदेश सरकार ह कोरोना संक्रमण ले बचाव बर ऐहतियाती कदम उठावत हुये आन राज्य ले अलग-अलग माध्यम ले छत्तीसगढ़ आवत यात्री मन के कोविड स्क्रीनिंग अऊ कान्टेक्ट ट्रेसिंग के व्यवस्था कर के निर्देश कमिश्नर अऊ जिला कलेक्टर मन ल जारी करे हे।
ए संबंध म (Chhattisgarh) सामान्य प्रशासन विभाग के तरफ ले कमिश्नर अऊ जिला कलेक्टर मन ल जारी निर्देश म कहे गे हे कि देश म कोरोना संक्रमण प्रभावित लोगन न के संभावित वृद्धि ल देखत हुये आन राज्य ले छत्तीसगढ़ आवत यात्री मन के कोविड स्क्रीनिंग अऊ कान्टेक्ट ट्रेसिंग के व्यवस्था करे जाये।
रायपुर अऊ जगदलपुर एयरपोर्ट म बिसेस रूप ले मुंबई अऊ दिल्ली ले अवइया यात्री समेत सभो यात्री मन के निर्धारित एसओपी अनुसार कोविड स्क्रीनिंग अऊ कान्टेक्ट ट्रेसिंग संबंधी निर्देश के कड़ाई ले पालन सुनिश्चित करे जाये।
(Chhattisgarh) जारी निर्देश म कहे गे हे कि बिसेसकर महाराष्ट्र, मध्यप्रदेश अऊ दिल्ली ले सड़क अऊ रेल मार्ग ले अवइया यात्री मन के घलो कोविड स्क्रीनिंग अऊ कान्टेक्ट ट्रेसिंग बर आवश्यक व्यवस्था, रेलवे स्टेशन, बस स्टेशन अऊ अंर्तराज्यीय एंट्री पाइंट म करे जाये।
No Comment! Be the first one.