दो बल्ब, दो पंखा अउ बिजली बिल आइस 75 करोड़ के

रायपुर। अगर आपन दू कमरा के घर म रहिथव अउ सिरिफ दो बल्ब अउ दो पंख के इस्तेमाल करथव त, ये खबर आपमन बर ए , काबर के हो सकत हे के आवइया टेम म कुछु अइसे आपमन के संग हो जाय के फेर आपला पछताना पड़ही। जी हां काबर के कुछु अउसे ही होय हे दू कमरा के घर म रहइया एक महिला के संग। जब उंखर घर के बिजली बिल 75 करोड़ रुपिया आइस त। ये बिल कोरबा के बिजली बेभाग ने उमन ल थमाइस हे।
इस महिला के नाम सरिता यादव हे जे कोरबा जिला के भैसमा गांव के रहवइया हे अउ मजदूरी के काम करथे। बिजली बिल देखत ही महिला के होस उड़गे। वो ह सोचे लगिस के आखिर ये बिल के भुगतान ल कइसे करही। अतना म आस-पास के लोगन घलो 75 करोड़ रुपिया के बिल देख के हैरान रहिगे, अउ बिजली बिल बनाय की बेवस्थामर सवाल उठात रहिन हे।
उहें , ये मामला के सिकायत जब छत्तीसगढ़ स्टेट पॉवर डिस्ट्रीब्यूशन कंपनी लिमिटेड के प्रबंध निदेशक के पीए कुरियन फिलिप ले बात करे गिस त उमन ह कहिन के अइसे गलती ले हो गे हे, आपमन मोला बीपी नंबर दिलवा दव, मैं अभीचे येला सही करवा देलत हव।