chhattisgarh के ए जिला म लगही 22 सितंबर ले लॉकडाउन, लोगन मन ल नई मिले ये सुविधा, पढो पूरा खबर

जय जोहार…. (chhattisgarh) धमतरी जिला म 22 सितंबर ले 10 दिन के लॉकडाउन लगाए जाही। ए दिन ले जिला के सबो नगरीय निकाय के सबो वार्ड ल कन्टेनमेंट जोन बनाए जाही।

उहचे ए कन्टेनमेंट जोन म घलो किराना, सब्जी, फल के दुकान ल नई खोले जाही। सिरिफ अति आवश्यक सेवा संबंधी संस्थान, कार्यालय, अस्पताल अऊ नर्सिंग होम ल खोले जाही। कलेक्टर ह व्यापारी संघ के प्रतिनिधिमंडल ले सनिच्चर के बइठक म कोविड 19 के संक्रमण अऊ ओखर ले बचाव के संबंध में चर्चा करिन।

(chhattisgarh) धमतरी जिला के कलेक्टर जयप्रकाश मौर्य ह बताइस कि मंगलवार ले सबो वार्ड ल कन्टेनमेंट जोन बनाय जाही। एखर पहिले नगरीय निकाय के अमला ल ए संबंध म लोगन मन ल जानकारी देना होही। जेखर ले लोगन मन ल बेवजह तकलीफ नई हो।

(chhattisgarh) कलेक्टर ह बताइस कि कन्टेनमेंट जोन म किराना, सब्जी, फल के दुकान ल नई खोले जाही। लेकिन अत्यावश्यक सेवा संबंध संस्थान, कार्यालय, अस्पताल अऊ नर्सिंग होम ह खुलही। गैस एजेंसी ह अपन तय समय म खुलही। मेडिकिल, पेट्रोल पम्प ह चौबीसों घंटा खुले रही।