कवर्धा। युवक कांग्रेस ह मछली पालन बिभाग के अधिकारी उपर ठेकेदार ले मिलीभगत के आरोप लगात हुए बिभाग के घेराव करिन। कारयकरता मन ल पुलिस ह गेट के तीर ही रोक दिस। जबरदस्ती कारयलय म घूसे के कोसिस कर रहत रहिन हे। पुलिस के रोके म गेट के बाहिर ही धरना म बइठ गे।
युवक कांग्रेस अउ ग्रामीन मछूवारा मन घेराव कारयकरम म सामिल होइन। मछुवार मन के आरोप लगाइन के बिभाग के उपसंचालक ले लीज म बांध के मछली पालन के अनुमति मांगे गिस हे, लेकिन उमन ह नइ दीन। सोझे-सोझे दस लाख रुपिया घूस के मांग कर जात हे । घूस नइ देय ले मामला लटका देय गेहे। जेखर फायदा उठात हुए ठेकेदार ले मिलके बांध मन ले मछली मारके खपाया जात हे।
प्रदरलन करता संतु मलाह अउ आकाश केशरवानी ह बताइन के तीन दिन पहिली ही ग्रामीन मन ह 27 क्विंटल अवैध मछली पकड़े रहिन हे, जेमा कार्रवाई के मांग करे गिस । लेकिन अभु तक कोनो कार्रवाई नइ होइस हे। सिरिफ जांच के आस्वासन देय जात हे।
