सड़क म चूल्हा बनाके रोटियां सेके लगिस महिला मन

रायगढ़। गैस के बढ़त दाम के विरोध म महिला मन ह सड़क म उतर आइन अउ येहे चूल्हा बना के रोटी सेकिन। महिला मन के कहिना हे कि घरेलू सिलिंडर अतका महंगा हो गे हे कि अब फेर चूल्ह म खाना पकाय के नौबत आ पड़िस हे।
रविवार के महिला कांग्रेस ह गांधी प्रतिमा के तीर सड़क म बइठ के प्रदर्सन करिन। इमन ह प्रधानमंत्री नरेन्द्र मोदी अउ पूर्व प्रधानमंत्री मनमोहन सिंह केतस्वीर लगाके, गैस के तब अउ अब के कीमत मन के तुलना करिन।
महिला कांग्रेस के सदस्य मन के कहिना हे कि तब ले अब तक घरेलू सिलिंडर के कीमत करीबन दोगुना हो गेहे। गैस के बढ़े कीमत ले गरीब मन के रसोई के बैलेंस बिगड़ जात हे।