रमन कैबिनेट के बइठक : विकास यात्रा फेस टू अउ 15 अगस्त बर चरचा

रायपुर। रमन मंत्रिमंडल के अहम बइठक आज दोपहर 12 बजे ले राज्य मंत्रालय के सभा भवन म चलत हे। मुख्यमंत्री डॉ.रमन सिंह राज्य मंत्रिमंडल के बइठक के अध्यक्छता करत हे। ये बइठक म करीबन दरन भर अहम मुद्दा मन म चरचा कर सहमति बनाय जाही। रमन कैबिनेट के बइठक म खरीफ फसल के मवजूद स्थिति, खाद-बीज के उपलब्धता, सिंचिंत क्षेत्र के समीक्छा, मानसून के स्थिति, कृषि कारय मन के समीक्छा करे जात हे।
येकर अलावा कैबिनेट के बइठक म विकास यात्रा फेस टू के तइयारी, 15 अगस्त स्वतंत्रता दिवस के अवसर म मुख्यमंत्री ह जे संभावित घोसना मन ल करही ओखर उपर चरचा होही। येकर संग अनियमित करमचारी मन के आंदोलन म घलो कैबिनेट के बइठक म कुछु सहमति बने के आसार नजर आवत हे।