जय जोहार । (mahasamund) वार्ड नंबर 09 के पार्षद अउ महिला- बाल विकास विभाग के सभापति माधवी महेंद्र सिक्का ह आज वार्ड के दलदली रोड म स्थित शराब दुकान क्रमांक 2 ल हटाय जाय बर कलेक्टर ल ज्ञापन सौंपीन हे ।
सौंपे ज्ञापन म लिखे हे कि (mahasamund) नगर पालिका सीमा क्षेत्र अंतर्गत वार्ड क्रमांक 09 दलदली रोड म देसी /विदेशी शराब दुकान के संचालन करे जात हे । ये रद्दा म स्कूली लईका, शिक्षक अउ आम मनखे मन ह आत अउ जात हे। उहें ए शराब दुकान के आगू मछली मार्केट हे, जिहां दूसर वार्ड के मनखे मन के संझा के बेरा ए मार्केट म आत जात रहत हे। सँझा के बेरा शराब दुकान म भीड़ हो जात हे, ए सेती मनखे मन ल परेसानी होत हे । वार्ड क्रमांक 9 दलदली रोड म शराब दुकान ल हटाय जाय के मांग करे हे । ए दउरान पूर्व पालिकाध्यक्ष पवन पटेल, पार्षद महेन्द्र जैन, मंगेश टाँकसाले, महेंद्र सिक्का अउ मीना वर्मा मौजूद रिहीन ।
No Comment! Be the first one.