जय जोहार…. मुख्यमंत्री भूपेश बघेल के निर्देश के परिपालन म छ्त्तीसगढ़ राज्य सहकारी दुग्ध महासंघ देवभोग के उत्पाद ल बाजार उपलब्ध कराय के उद्देश्य ले एखर अधिक ले अधिक उपयोग ल शासकीय कार्यालय अऊ संस्थान मन म करे जाए। एखर मद्देनजर मुख्य सचिव आरपी मंडल ह दिशा-निर्देश दे हे।
मुख्य सचिव ह सबो विभागाध्यक्ष, संभागायुक्त अऊ कलेक्टर मन ल जारी अपन पत्र म लिखे हे कि सहकारी दुग्ध महासंघ के तरफ ले देवभोग ब्रांड ले दूध, मिल्क पाउडर, दही, लस्सी, छाछ, पेड़ा, श्रीखण्ड, रबड़ी, घी अऊ दुग्ध कुकीज के निर्माण करे जात हे, जेन सहजता ले उपलब्ध हे। एखर उपयोग शासकीय आयोजन, कार्यक्रम, जेल, उपजेल, आश्रम अऊ बटालियन आदि म करे जाना चाही, ताकि दुग्ध महासंघ ले जुड़े राज्य के दुग्ध उत्पादक किसान मन ल एखर लाभ मिल सके।
मुख्यमंत्री सचिव ह पत्र म ए बात के घलो उल्लेख करे हे कि देवभोग ब्रांड के उत्पाद के गुणवत्ता के परीक्षण कई स्तर म करे जात हे। एमा कोना तरह के मिलावट नई होत हे। एखर विक्रय ले शासन ल जीएसटी अऊ अन्य कर घलो प्राप्त होत हे। वो हा कहिन कि जेन विभाग के आयोजन म बाह्य केटरिंग करे जात हे, ऊहां आउटसोर्सिंग एजेंसी दुग्ध महासंघ के उत्पाद के उपयोग ल सुनिश्चित करे जाए।
No Comment! Be the first one.