Home ताजा समाचार देर रात ऑटो म बैठ के घर बर निकलिस युवती लापता

देर रात ऑटो म बैठ के घर बर निकलिस युवती लापता

50
0
देर रात ऑटो म बैठ के घर बर निकलिस युवती लापता

जय जोहार रायपुर… राजधानी के शास्त्री चौक ले ऑटो म बैठकर घर बर निकलिस युवती ह देर रात तक नई पहुंचिस। युवती के परिजन मन ह गोलबाजार थाना म गुमशुदगी के रिपोर्ट दर्ज कराइस। मामला के जांच करत पुलिस ल सीसीटीवी फुटेज म युवती दिखाई दिस हे। पुलिस ह लापता युवती ल जल्द खोज निकाले बर के दावा करत हे। जानकारी के मुताबिक युवती के नाम दामिनी देवांगन हे, जेन ह टिकरापारा के रहवइया हे अऊ लक्ष्मी मेडिकल स्टोर म काम करत हे। रोज के तरह शानिवार रात के 9.30 बजे दामिनी आटो ले घर जाए बर निकलिस। ओखर भाई ह वो ला ऑटो म बैठाए रहिस, लेकिन वो हा रद्दा म गायब हो गिस, वो हा घर नई पहुंचिस तो परिजन मन ह गोलबाजार थाना म रिपोर्ट दर्ज कराइस। जेखर बाद पुलिस ह गुमशुदगी के मामला दर्ज करिस। कोतवाली सीएसपी देवचरण पटेल ह बताइन कि परिजन मन के शिकायत म गुमशुदगी के मामला दर्ज करे गे हे। परिजन मन ल एक व्यक्ति पर आशंका हे। ओखर जांच चलत हे। शहर के आईटीएमएस कैमरे म युवती ऑटो म बैठत  दिखाई देवत हे। वो ला जल्द खोज निकाले जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.