महासमुंद। सावन के आखिरी सोमवार जब महासमुंद के विधायक विनोद चंद्राकर अपन नौजवान साथी-समर्थक मन संग कांवर यात्रा म निकलिन त नगर म बोलबम के नारा गूंज गे।
विधायक विनोद चंद्राकर के अगुवाई म कांवरयात्रा करे बर खासकर युवा मन म भारी उत्साह देखे गिस। नगर के छत्तीसगढ़ स्कूल परिसर ले कांवर यात्रा शुरू होके सेतगंगा बम्हनी पहुंचिस।
जिहां सेतगंगा के जल लेके अउ ब्रम्हनेश्वर महादेव के दरस-पूजा करके कांवरयात्रा हा सिरपुर रवाना होईस। मोटरसाइकिल म सवार होके ये कांवरिया मन बोल-बल अउ हर-हर महादेव के नारा-जयकारा लगावत आगू बढ़त गिन।
परसट्ठी, बरोंडाबाजार, मचेवा, महासमुंद, कनेकेरा, बेमचा, परसदा, कौंदकेरा, गाड़ाघाट, तुमगांव, भोरिंग, जोबा, गढ़सिवनी, पीढ़ी, मोहकम, खड़सा, सेनकपाट होवत सिरपुर पहुंचिन, जिहां गंधेश्वर नाथ महादेव ला जल चढ़ाके क्षेत्र म अच्छा बरसा, अच्छा फसल अउ चारों कोती खुसयाली के बिनती करिन।
No Comment! Be the first one.