जय जोहार…. (chhattisgarh) ग्रामीण अंचल म हरेक परिवार ल रोजगार के गारंटी देवइया मनरेगा 2 फरवरी के अपन क्रियान्वयन के 16 बच्छर पूरा करत हे । देस के तत्कालीन प्रधानमंत्री डॉ. मनमोहन सिंह ह 2 फरवरी 2006 के आंध्रप्रदेश के अनंतपुर जिला ले ‘मनरेगा’ यानि महात्मा गांधी राष्ट्रीय ग्रामीण रोजगार गारंटी अधिनियम (MNREGA) ल अमलीजामा पहनाय के सुरूआत करे रिहीन।
पहला चरण म एला देस के 200 सबले पिछड़ा जिला म लागू करे रिहीस । (chhattisgarh) बच्छर 2007-08 म दुसरइया चरण म एमा 130 अउ जिला ल सामिल करे गीस। तीसर चरण म 1 अप्रैल 2008 के एला देस के बांकी ग्रामीण जिला तक विस्तारित करे गीस । ‘नरेगा’ के नाव ले सुरू ए योजना के व्यापकता अउ प्रभाव के मद्देनजर एला ग्राम स्वराज के परिदृश्य म देखत हुये 2 अक्टूबर 2009 के एमा राष्ट्रपिता महात्मा गांधी के नाव ल जोड़े गेहे।
छत्तीसगढ़ म मनरेगा के सुभारंभ 2 फरवरी 2006 के राजनांदगांव जिला के डोंगरगांव विकासखण्ड के अर्जुनी ग्राम पंचायत ले होय रिहीन। राज्य म घलो ए योजना के विस्तार तीन ठीन चरण म होय रिहीन। पहला चरण म 2 फरवरी 2006 के तत्कालीन 16 म ले 11 जिला म एला लागू करे गीस। एमा बस्तर, बिलासपुर, दंतेवाड़ा, धमतरी, जशपुर, कांकेर, कबीरधाम, कोरिया, रायगढ़, राजनांदगांव अउ सरगुजा जिला सामिल रिहीस।
दूसर चरण म 1 अप्रैल 2007 ले चार ठीन अउ जिला रईपुर , जांजगीर-चांपा, कोरबा अउ महासमुंद ल योजना म सामिल करे गीस । तीसर चरण म 1 अप्रैल 2008 ले दुर्ग जिला ल घलो एमा सामिल करे गीस। अभी प्रदेस के सबो 28 जिला म मनरेगा प्रभावशील हे ।
छत्तीसगढ़ म पिछले 16 बच्छर म मनरेगा के सफर ह शानदार रिहिन हे। बच्छर 2006-07 म 12 लाख 57 हजार परिवार ल रोजगार प्रदान करे ले सुरू ये सफर पिछले वित्तीय बच्छर 2020-21 म 30 लाख 60 हजार ले जादा परिवार तक पहुंच चुके हे । प्रदेस म पिछले बच्छर रिकॉर्ड 30 लाख 60 हजार परिवार के 60 लाख 19 हजार श्रमिक मन ल मनरेगा के माध्यम से काम मिले रिहीस।
एखर एवज म श्रमिक मन ल अब तक का सबले जादा 3493 करोड़ 34 लाख रुपिया के मजदूरी भुगतान करे गए रिहीस। चालू वित्तीय बच्छर 2021-22 म घलो अब तक दस माह म (अप्रैल-2021 से जनवरी-2022 तक) 26 लाख 28 हजार परिवार के 49 लाख 28 हजार श्रमिक मन ल रोजगार दे गेहे ।
Other Articles
