रायपुर : प्रधानमंत्री नरेंद्र मोदी अपन एक दिवसीय दउरा म आज बिहनिया भारतीय वायु सेवा के विमान ले रायपुर के स्वामी विवेकानंद विमानतल पहुंचिन। विमानतल म राज्यपाल बलरामदास जी टंडन, मुख्यमंत्री डॉ रमन सिंह, उंखर मंत्रिमंडल के सदस्य अउ अन्य वरिष्ठ नेता मन ह उँखर स्वागत किया। येकर बाद प्रधानमंत्री विमानतल ले नवा रायपुर स्मार्ट सिटी बर रवाना होगिस जिहां बिजली, पानी, स्वच्छता, यातायात प्रबंधन, एकीकृत भवन प्रबंधन, सिटी कनेक्टिविटी एवं इंटरनेट अधोसंरचना (डाटा सेंटर) अउ सम्पूर्ण नवां रायपुर शहर के निगरानी बर बने एकीकृत कमाण्ड एवं नियंत्रण केन्द्र के लोकार्पण करिन। इस दउरान मुख्यमंत्री रमन सिंह घलो उंखर संग रहिन हे।
नवां रायपुर के सेक्टर-19 स्थित सेंट्रलाइज्ड कमांड एंड कंट्रोल सेंटर के उद्घाटन के बाद प्रधानमंत्री नरेंद्र मोदी भिलाई बर रवाना हो गिस। जिहां भिलाई स्टील प्लांट के आधुनिकीकरण अउ विस्तारीकरण के लोकार्पण करही। येकर अलावा आईआईटी भिलाई के शिलान्यास घलो करही। भिलाई ले ही प्रधानमंत्री उड़ान परियोजना के अंतर्गत जगदलपुर-रायपुर अउ विशाखापट्नम विमान सेवा के सुरुआत करही। संगे- संग विकास यात्रा के समापन समारोह म जयंती स्टेडयिम म आयोजित भव्य सभा ल संबोधित करही। प्रधानमंत्री के अभूतपूर्व स्वागत अउ सभा बर दू लाख लोगन के शामिल होय के दावा करे गेहे।
