फिलिम म कोरियोग्राफी के अलावा एलबम म जादा फोकस देत हे चंदन दीप

जय जोहार. छत्तीसगढ़ी सिनेमा ले बीते कई साल ले जुड़े चंदन दीप ह अईसे तो छत्तीसगढ़ी फिलिम के कोरियोग्राफर के रुप म जाने-पहचाने नाम हे फेर ऐ दिन म ओ ह एलबम बनाए म व्यस्त हे। आज छालीवुड के बड़े-बड़े कोरियोग्राफर ह जिहां खाली हे उहें चंदन लगातार एलबम बनात हे।

चंदन के कहना हे कि एलबम ले मोला बहुत कुछ सीखे बर मिलत हे। तभे जाके मोला बड़े-बड़े फिलिम म कोरियोग्राफी बर चुने जाथे। हाल म चंदन भोले बाबा शंकर भगवान के एलबम के शूटिंग करत हे। चंदन ह बताईन कि ऐ हाल ही म एक कमर्शियल एलबम के शूटिंग करे हे जेखर नाम “मन मोहिनी गुईया” हे। ऐमा चंदन घलो एक्टिंग करत नजर आही अऊ ओखर अपोजिट प्रज्ञा नजर आही। जल्दी ऐ एलबम ल सुंदरानी म्यूजिक म पब्लिश करे के तैयारी हे। एे एलबम म पप्पू यादव ह अपन स्वर दे हे। म्यूजिक परवेज खान ह बनाए हे। चंदन अऊ प्रज्ञा की जोड़ी एक अऊ एलबम दिखाई देही जेखन नाम हे “माया माया लागे “।