जय जोहार। (Raipur) रोजगार, स्व-रोजगार, स्थानीय संसाधन के बेहतर प्रबंधन अउ उद्यमिता विकास ल लेके छत्तीसगढ़ सरकार ह अभूतपूर्व काम करे हे । ए चार बछर म ग्रामीण तबका अउ सुदूर वनांचल क्षेत्र म रहवइया जरूरतमंद मनखे मन तक योजना के लाभ पहुंचे हे, जेखर परिणाम स्वरुप प्रदेस के बनवासी, ग्रामीण, किसान, मजदूर अउ कारीगर वर्ग ल बड़का लाभ होए हे । छत्तीसगढ़ के वनांचल क्षेत्रों म निवास करइया वनवासी अउ आदिवासी के हित म अउ वन म ओखर अधिकार ल अउ अधिक दृढ करे अउ वनोपज ले आय म वृद्धि के सपन ल साकार करे के दिसा म कई ठीन महत्वपूर्ण काम करे गेहे ।
राज्य में पहिली घांव समर्थन मूल्य म कोदो, कुटकी, रागी के खरीदी करे गीन । लघु धान्य फसल ल बढ़ावा दे बर मुख्यमंत्री भूपेश बघेल के नेतृत्व म मिलेट मिसन घलो चलाए जावत हे । छत्तीसगढ़ म देस के 74 प्रतिशत लघु वनोपज संग्रहित होत हे । सरकार ने संग्राहक मन के हित म लघु वनोपज के संख्या म 9 गुना वृद्धि करत हुए 7 ले बढ़ाके 65 लघु वनोपज के खरीदी करे के निर्णय लीन। ए सेती चार बछर म संग्राहक मन के संख्या म घलो 4 गुना ले जादा के बढ़ोत्तरी होए हे।
बछर 2018-19 म संग्राहक मन के संख्या 1.5 लाख रिहीन, जेन आज बढ़के 6 लाख हो गेहे । लघु वनोपज के खरीदी के मात्रा म घलो 78 गुना ले जादा के बढ़ोतरी होए हे। बछर 2021-22 म कुल 42 हजार मीट्रिक टन लघु वनोपज के खरीदी करे गेहे , जबकि ये मात्रा बछर 2018-19 म 540 मीट्रिक टन रिहीन । छत्तीसगढ़ ह पूरा देस के सबले बड़का वनोपज संग्राहक राज्य हे ,ए बछर राज्य सरकार ह 120 करोड़ रूपया के भुगतान वनोपज संग्राहक ल करे हे ।
