Corona: देश म पिछिले 24 घंटा म सामने आय हे 81 हजार ले जादा नवा मामला, पढो पूरा खबर

जय जोहार…. देश म कोरोना (Corona) संक्रमित मन के संख्या ह कम होय के नाम नई लेवत हे। देश म बीते 24 घंटा म कोरोना के 81 हजार ले जादा नवा मामला के पहचान होय हे। उहचे 78646 लोगन मन ल बने होय के बाद अस्पताल ले छुट्टी दे दे गे हे। जबकि 1096 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 81693 नवा मरीज मिले हे। एला मिला के देश म कोरोना संक्रमण के मामला ह बाढ़ के 63 लाख 91 हजार 960 पहुंच गे हे। जेमा ले 9 लाख 42 हजार 585 एक्टिव मामला हे।

उहचे 53 लाख 48 हजार 653 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 99804 लोगन मन के मौत हो गे हे।