जय जोहार। (Raipur ) राज्य सरकार के महत्वाकांक्षी ‘नरवा विकास योजना’ के सफल क्रियान्वयन ले वनांचल के तस्वीर ही बदल गेहे । गौरतलब हे कि छत्तीसगढ़ म नरवा विकास कार्यक्रम के तहत कैम्पा मद अंतर्गत वनांचल के नाला म भू-जल संरक्षण संबंधी काम के तेजी ले क्रियान्वयन जारी हे ।
एखर ले वन क्षेत्र के भू-जल स्तर म काफी सुधार दिखे ल लगे हे अउ वनवासी सहित क्षेत्रवासी मन के पेयजल, सिंचाई अउ निस्तारी सुविधा के भरपूर लाभ मिले ल लगे हे । संगेसंग एखर ले वन संरक्षण अउ संवर्धन के काम ल घलो बढ़ावा मिले हे । राज्य म एखर उत्कृष्ट प्रदर्शन बर वन अउ जलवायु परिवर्तन विभाग ल ’स्कॉच अवार्ड’ के पर्यावरण श्रेणी बर स्वर्ण पुरस्कार घलो मिल चुके हे ।
उल्लेखनीय हे कि छत्तीसगढ़ म गत चार बछर के दउरान राज्य सरकार डहार ले चलाए जावत महत्वाकांक्षी ‘नरवा विकास‘ योजना के तहत वनांचल के 6 हजार 395 नाला के लगभग 23 लाख हेक्टेयर जल ग्रहण क्षेत्र ल उपचारित करत हुए विभिन्न जल संरचना के निर्माण ल तेजी ले करे जावत हे । एखर तहत एक करोड़ 61 लाख ले जादा भू-जल संरक्षण संबंधी संरचना के निर्माण सामिल हे ।
ए संरचना म ब्रश वुड चेक डैम, लूज बोल्डर चेक डैम, गेबियन संरचना, मिट्टी चेक डैम, कंटूर ट्रेंच, वाटर अब्जॉर्प्शन ट्रेंच अउ स्टेगर्ड कंटूर ट्रेंच के निर्माण सामिल हे । एखर आलावा गली प्लग, चेक डैम, स्टॉप डैम, परकोलेशन टैंक अउ तालाब, डबरी अउ वाटरहोल भू-जल संरक्षण संबंधी संरचना के निर्माण करे जावत हे ।
Other Articles
Raipur : मुख्यमंत्री मितान योजना ले मनखे मन ल मिलत हे बड़का राहत
Raipur : विश्वभूषण हरिचंदन ह छत्तीसगढ़ के राज्यपाल पद के लीन सपथ
