Home ताजा समाचार `नक्सल धमाका भूपेश के नाटक या खतरा के अनदेखी`

`नक्सल धमाका भूपेश के नाटक या खतरा के अनदेखी`

165
0
`Naxal blast ignored Bhupesh's drama or threat '

CM बघेल के कार्यक्रम ले पहिली होये नक्सल ब्लास्ट म भाजपा ह उठाइस सवाल
रायपुर. भाजपा प्रदेश प्रवक्ता भूपेंद्र सिंह सवन्नी ह छत्तीसगढ़ म लगातार बढ़त नक्सली घटनामन उपर भूपेश सरकार के अनदेखी अउ येला गंभीरता ले न लेय के आदत म चिंता व्यक्त करत हुए कहिन के, भाजपा सासनकाल म नक्सल समस्या के समाधान बर करेगे उपाया मन म कांग्रेस सरकार पानी फेरत हे.

सरकार के लापरवाही के वजह ले नक्सली घटना मन के विस्तार होवत हे. अउ वो चुनाव प्रभावित करे के कोसिस करत हे. येखर बावजूद मुख्यमंत्री भूपेश बघेल के ये कहना हास्यास्पद हे के भाजपा के नेता बस्तर दउरा म जाए ले बचे बर नक्सली घटना मन के नाम म नाटक करत हे, हम त उहां रात गुजारत रहे हन.

मुख्यमंत्री भूपेश बघेल के कार्यक्रम के पूर्व मानपुर म नक्सली विस्फोट के घटना म सनन्नी ह कहिन के, का ये मुख्यमंत्री भूपेश बघेल के सोचे समझे नाटक हे अथवा उंखर खतरा के घंटा ल अनसुना करत हे अउ नक्सलवाद के चुनऊती के मजाक समझ बउठे हे. सवन्नी के कहिना हे के या त भूपेश सरकार के नक्सली मन ले कोनो गुप्त समझउता हे अथवा ये सरकार हालात के गंभीरता ल दबाना चाहत हे. ये दूनों ही हालत काफी संवेदनसील हे अउ छत्तीसगढ़ बर घातक हे.

भाजपा प्रवक्ता सवन्नी ह कहिन के, नक्सल घटनामन के बाद पुलिस अउ भूपेश सरकार के मंत्री के परस्पर विरोधी बयान आघू आवत हे, जे ये साबित करे बर पर्याप्त हे के नक्सलवाद के आघू म ये सरकार के दिसा अउ दसा सही नइए.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.