नारायणपुर । भटबेड़ा तोयामेटा म नक्सली मन के सहीद सप्ताह के दउरान पुलिस ह तीन स्मारक ल ध्वस्त कर दिस हे। नक्सली मन ले तीन बार होइस मुठभेड़ के दउरान ये स्मारक मन ध्वस्त होइस हे।
नक्सली मन ह सहीद सप्ताह ल सफल बनाय बर पहिली ले जमके पोस्टरबाजी करिन। जेटेया थाना क्षेत्र अंतरगत साप्ताहिक हाट बाजार चउक के मकान मन, दुकान मन समेत कतको जगह मन म पोस्टर चिपकाय रहिन हे। संग ही मुख्य सड़क किनारे पेड़ मन म घलो जमके पोस्टर लगाय गेहे।
नक्सली मन ह जनता ले पोस्टर लगाके सहयोग देय के अपील करिन। पुलिस ह इही ल लेकर नक्सली मन मुठभेड़ करिन, जेकर बाद नक्सली मन के तीन स्मारक ध्वस्त कर देय गिस । घटना स्थल म मिले खून के निसान ले पुलिस ह 3 नक्सली मन के घायल होय के आसंका घलो जताइस हे।
