गरियाबंद। जिला के सासकीय कौंदकेरा लाईवीहुड कॉलेज म तीन छात्र मन के आत्महत्या के प्रयास करे के मामला आगु आइस हे। मिले जानकारी के अनुसार छात्र मन कॉलेज मैनेजमेंट के लापरवाही ले परेसान रहिन। ओमन अपन मूल दस्तावेज वापस मागत रहिन जेला कॉलेज प्रबंधन ह ओला जबरन अपन कना रखे हे। घटना के बाद कॉलेज म स्किल डेवलपमेंट के ट्रेनिंग लेत जम्मो छात्र मन हंगामा घलो करिन, अऊ कॉलेज प्रबंधन उपर कई आरोप लगाइन। फेर राजिम पुलिस ह मउका म पहुंचके मामला ल सांत कराइस।
