छोटे ले ऑपरेशन म चल दिस युवक के जान , जिला अस्पताल म लापरवाही ले इलाज

नवनीत शुक्ला, मुंगेली। जिला अस्पताल म लापरवाही ह थमे के नाम काबर नई ले थे का कारण हे कि बार बार मरीज मन ल जान ले हाथ धोये बर पड़त हे। अभी कुछ दिन पहिली दुर्घटना म आये मरीज ल तड़फत तड़फत जान देहे बर लगिस । जेला देखत हुये जिला कलेक्टर ल अस्पताल म दखल देहे पर पडिस। अउ अस्पताल प्रबंधन म दखल दे के बदलाव कर बर लगिस। ये घटना के कुछ दिन बाद ही जरहागाव म साँप काटे लइका ल समय म 108 के सुविधा न होय के कारण जान गवाय बर पडिस। अउ कल फेर एक 30 साल के युवा ल हाइड्रोसील के ऑपरेशन म लापरवाही के कारण अपन जीवन गवाय बर पडिस। अइसन का कारण हे कि 1 महीना म ये 3 घटना हो गे । अउ हमर मंत्री जी ह अब ले चुप हे । मंत्री जी कुछ दखल करव । जेमा जिलावासि मन ल अस्पताल मिलय न कि स्वर्ग द्वार । अब तव चुनाव घलौक लठ्ठिया गे । जिला वासी म बर कुछ कर दव । अउ अस्पताल म दखल दे दव । ताकि गरीब जनता के उद्धार हो सकय ।