Friday, December 4, 2020
Home सियासत congress: नवा कानून जनता बर अहितकारी, विरोध के स्वर पूरा देश म...

congress: नवा कानून जनता बर अहितकारी, विरोध के स्वर पूरा देश म उठत हे – फूलोदेवी

जय जोहार…. महिला कांग्रेस (congress) प्रदेश अध्यक्ष अऊ राज्यसभा सांसद फूलोदेवी नेताम ह कहिन कि प्याज अऊ खाद्य सामग्री के कीमत म सरलगहा वृद्धि होय ले महिला मन ह बड़ अकन चिंतित अऊ परेशान हे। महंगाई ह लोगन मन के कमर तोड़ कर रख दे हे। पहिले ले महंगाई के मार ले लोगन मन ह हताश हे, अब प्याज घलो रूलाय ल लगे हे। बेताहाशा दाम म बढोत्तरी होय ले जीवन यापन करना मुश्किल हो गे हे।

(congress) राज्यसभा सांसद फूलोदेवी नेताम ह कहिन कि मोदी सरकार के काला कानून सती जमाखोरी होय ले प्याज के कीमत ह 80 ले 100 रुपया प्रति किलो पहुंच गे हे। मोदी सरकार ह बिना सोचे समझे नियम ल लागू कर देथे, जेखर खमियाजा ल लोगन मन ल भुगतना पड़त हे। महिला मन के हित के चिंतन के दिखावा करइया भाजपा नेत्री मन ह बाढ़त महंगाई म शांत काबर हे।

(congress) राज्यसभा सांसद फूलोदेवी नेताम ह कहिन कि जब ले केंद्र म भाजपा के सरकार बने हे, तब ले महंगाई ह हाहाकार मचाये हे। बाढ़ते महंगाई ह जिहां गरीब ह दाल अऊ रोटी ले मोहताज होवत हे, उहचे प्याज के बाढ़ते दाम ले गरीब त का मध्यम वर्ग के बजट ले घलो बाहर हो गे हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments