जय जोहार रायपुर…. सामाजिक अऊ स्वयंसेवी संगठन मन के बइठक लेके जिला नोडल अधिकारी डॉ. गौरव कुमार सिंह ह कहिन कि लॉकडाउन के वर्तमान परिस्थिति मन म अब पका भोजन पैकेट ल जरूरतमंद व्यक्ति अऊ परिवार मन तक पहुंचाए बर मैपिंग करे जात हे। अईसे एनजीओ जे मन ह अभी तक जिला प्रशासन ल भोजन वितरण के अपन गतिविधि मन के जानकारी नई दे हे, वे सबो 16 अप्रैल के शाम चार बजे तक वार्डवार जिम्मेदारी बर अपन व्यवस्था के जानकारी ल अनिवार्य रूप ले उपलब्ध कराएं।
नोडल अधिकारी ह 50 ले अधिक एनजीओ के पदाधिकारी मन ले मिलिस अऊ ओखर गतिविधि मन के संबंध म विस्तृत जानकारी लिस। सबो ह मानिस कि जरूरतमंद अंतिम व्यक्ति तक भोजन पहुंचाए बर ए आवश्यक हे कि गर्मी के मौसम ल ध्यान म रखत हुए अब भोजन बांटे बर जगह एक निश्चित वार्ड अऊ क्षेत्र म अपन सेवा मन ल देना चाही। जेखर ले भोजन के गुणवत्ता घलो बने रहे।
नोडल अधिकारी ह बताइस कि शीघ्र भोजन वितरण बर नवा व्यवस्था लागू होही। जेखर बर हरेक एनजीओ के वार्डवार मैपिंग कर जिम्मेदारी दे जात हे। जिला के संग पूर्ण समन्वय से अब एनजीओ ह बेहतर ढंग ले जरूरतमंद मन तक भोजन ल सुलभ करा सकही। वो हा बताइस कि सामाजिक दूरी के सिद्धांत के अनुपालन करे बर अब आपातकालीन खान-पान सेवा ले पूर्व म जारी सबो प्रकार के पास ल निरस्त कर दे जाही अऊ वार्ड वार सेवा म लगे सामाजिक संस्थान मन ल प्रशासन के तरफ ले नवा पास जारी करे जाही।
No Comment! Be the first one.