जय जोहार। (Basna) अंतर्राष्ट्रीय योग दिवस म 21 जून के बसना के मंगल भवन म नीलांचल सेवा समिति ह मैराथन दौड़ प्रतियोगिता के आयोजन करही। आजादी के अमृत महोत्सव के तहत फिट इंडियन फ्रीडम रन 2.0 के माध्यम ले ए प्रतियोगिता के आयोजन ल करे जात हे । जेमा लगभग 1000 प्रतिभागी के सामिल होय के संभावना हे।
नगर के मंगल भवन (Basna) म योगाभ्यास के आयोजन करे गेहे। उहें दौड़ प्रतियोगिता शहीद वीर नारायण सिंह चौक से खेमड़ा तक होही । दौड़ म सामिल प्रतिभागी म पहला स्थान ले लेके पांचवां स्थान प्राप्त करइया प्रतिभागी ल प्रमाण पत्र अउ मोमेंटो ले सम्मानित करे जाही ।
नीलांचल सेवा समिति के संस्थापक अउ नगर पंचायत के पूर्वअध्यक्ष डॉ.सम्पत अग्रवाल ह बताइन कि प्रधानमंत्री नरेंद्र मोदी ह अपन “मन की बात” संबोधन म थीम के घोसना करीन । ए बछर के आईडीवाई बर बिसय ल बड़ अकन विचार-विमर्स अउ परामर्स के बाद चुने गेहे। ये उचित रूप ले चित्रित करत हे कि कइसे कोविड-19 महामारी के चरम के दउरान योग ह एला कम करे म मानवता के सेवा करीन ।
Other Articles
