Home ताजा समाचार आयुर्वेदिक अस्पताल म पीलिया वार्ड के बाद अब शहरी सामुदायिक स्वास्थ्य केंद्र...

आयुर्वेदिक अस्पताल म पीलिया वार्ड के बाद अब शहरी सामुदायिक स्वास्थ्य केंद्र म होही इलाज

184
0
आयुर्वेदिक अस्पताल म पीलिया वार्ड के बाद अब शहरी सामुदायिक स्वास्थ्य केंद्र म होही इलाज

जय जोहार…. राजधानी रायपुर के जीई रोड के शासकीय आयुर्वेदिक अस्पताल परिसर म स्थित स्पेशल पीलिया वार्ड म आज ले मरीज मन के इलाज शुरू कर दे गे हे। शासकीय आयुर्वेदिक अस्पताल के भूतल म कोरोना मरीज मन बर 100 बिस्तर आइसोलेशन वार्ड के जगह 50 बिस्तर शहरी सामुदायिक स्वास्थ्य केंद्र बर अस्पताल ल मेडिकल उपकरण के संग तैयार कर ले गे हे। ए पीलिया वार्ड म डीडी नगर, कोटा, चंगोराभांठा, रायपुरा, सरोना, टाटीबंध, डंगनिया, कुशालपुर, रामसागरपारा, रामनगर, संतोषी नगर भांठागांव क्षेत्र ले अवइया पीलिया के मरीज मन जांच, इलाज के संगेसंग भर्ती के सुविधा प्रदान करे जाही। शहरी सामुदायिक केंद्र ले फिलहाल मौसमी बीमारी पीलिया ले निपटे बर रेस्क्यू सेंटर के रूप म लगभग दू महीना बर संचालित करे जाही। एखर बाद इहां 50 बिस्तर वाला सामुदायिक केंद्र ल पूर्ण रूप ले शुरू करे जाही।

सीएमएचओ डॉ. मीरा बघेल ह बताइस कि ए स्वास्थ्य केंद्र के अधीक्षक डॉ. केआर सोनवानी ल जिम्मेदारी दे गे हे। इहां महिला मन बर गर्भावस्था के दौरान जांच अऊ डिलवरी के सुविधा के संगेसंग नसबंदी घलो हो सकही। एखर बर लेबर वार्ड अऊ ओटी रूप बनाए जात हे। अस्पताल म बिस्तर ले लेके डॉक्टर, स्टाफ नर्स, फार्मासिस्ट, वार्ड बॉय, सफाई कर्मचारी, ड्रीप बर मेडिकल उपकरण, दवाई समेत सबो सामग्री के व्यवस्था कराए जात हे। पीलिया के मरीज बर 12 डाक्टर मन के टीम तीन पाली म तैनात रही।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.