Home ताजा समाचार अब जनता नई… पार्षद मन चुनही महापौर, पालिकाध्यक्ष अउ नपं अध्यक्ष ल

अब जनता नई… पार्षद मन चुनही महापौर, पालिकाध्यक्ष अउ नपं अध्यक्ष ल

86
0
chunav 01
आदेश जारी

रायपुर। राज्य म अब पार्षद मन महापौर, नगर पालिका अध्यक्ष अउ नगर पंचायत अध्यक्ष ल चुनही करही, काबर कि महापौर के चुनाव अप्रत्यक्ष प्रणाली ले करे जाही। एकर बर आज उपसमिति ह अपन रिपोर्ट सौंपिन हे।

मंत्री शिव डहरिया, मोहम्मद अकबर अउ रविन्द्र चौबे यह ये जानकारी ल दिन हे। उंखर मन के ये कहिना हंवय कि महापौर के चुनाव अप्रत्यक्ष प्रणाली ले ही होही, नगरीय निकाय चुनाव म पार्षद मन ले ही ब महापौर चुने जाही। नगरीय निकाय चुनाव म महापौर, पालिकाध्यक्ष अउ नगर पंचायत के अध्यक्ष मन के चुनाव अब प्रत्यक्ष प्रणाली ले नई होवय। इखर मन के चुनाव सामान्य सभा बर चुने गे पार्षद द्वारा ही करवाए जाही। एकर बर सरकार ह राज्य के नगरीय निकाय एक्ट म बदलाव करही।

वोमन कहिन कि नगरीय निकाय चुनाव ईवीएम के जगह मतपत्र ले होही। एकर बर कैबिनेट म प्रस्ताव रखे जाही। आरक्षण रोस्टर के आधार म  जेन पात्र हे उही ह मेयर बन सकत हे। उंहे खरीद फरोख्त के आशंका ल लेके वन मंत्री मोहम्मद अकबर ह कहिन कि अईसे कुछ नई होवय। निर्वाचन खर्चा म कमी ल लेके ये निर्णय लेना आवश्यक रहीस। सीमित साधन म घलो पार्षद बन सकत हे। जनता ल उंखर वास्तविक अधिकार मिलना चाही,  तेकर सती ये फईसला करे गिन हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.