Home ताजा समाचार अब कालेज म होही ऑनलाईन क्लास, राज्य सरकार ह करिन 10 सदस्यीय...

अब कालेज म होही ऑनलाईन क्लास, राज्य सरकार ह करिन 10 सदस्यीय कमेटी के ऐलान

468
0

जय जोहार रायपुर….अब कालेज  के छात्र-छात्रा मन बर घलो ऑनलाईन क्लास के व्यवस्था करे जात हे। एखर तैयारी ल उच्च शिक्षा विभाग ह शुरू कर दे हे। विभाग के तरफ ले एखर क्रियान्वयन अऊ मानिटरिंग बर 10 सदस्यीय कमेटी बनाए गे हे। अपन आदेश म उच्च शिक्षा विभाग ह लॉकडाउन के वजह ले अकादमिक कलेंडर म देरी के संभावना ल जतात हुए वीडियो लेक्चर तैयार कराए ल केहे हे। ग्रेजुएशन के सिलेबस के मुताबिक वीडियो लेक्चर ल तैयार करे जाही। ए योजना के क्रियान्वयन अऊ मानिटरिंग बर अपर संचालक चंदन संजय त्रिपाठी के संयोजन म कमेटी बनाए गे हे।

कमेटी म अपर संचालक हिमांशु शेखर, पीसी चौबे, प्राचार्य एसके त्रिपाठी, एसएस अग्रवाल, एसआर कमलेश, सुशील तिवारी, अमिताभ बैनर्जी, सहायक प्राध्यापक डॉ. वेणुगोपाल, जी घनश्याम ल शामिल करे गे हे। कमेटी के अलावा विषयवार राज्य स्तरीय नोडल अधिकारी ल घलो नियुक्त करे गे हे। राज्य सरकार ह निर्देश दे हे कि कोनो घलो एक चैप्टर के वीडियो लेक्चर्स तैयार करे बर तीन असिस्टेंट प्रोफेसर के सलेक्शन करे जाही।

असिस्टेंट प्रोफेसर ह सात दिन के भीतर वीडियो ल तैयार कर कमेटी ल भेजही। जेखर अनुमोदन के बाद छात्र मन बर उपलब्ध कराए जाही। ए वीडियो ल यू ट्यूब या एप के संगेसंग ऑनलाईन पोर्टल के जरिये छात्र तक पहुंचाए जाही।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.