Raipur म सट्टा-पट्टी लिखत पुराना निगरानी बदमाश पकड़ाईस, पढो पूरा खबर

जय जोहार…. (Raipur) राजधानी के सरस्वती नगर इलाका के एक घर ले सट्टा-पट्टी लिखत पुराना निगरानी बदमाश ल पुलिस ह गिरफ्तार करे हे। ओखर करा ले सट्टा-पट्टी के संग 25 हजार रुपया नगद जब्त करे हे।

मिले जानकारी के मुताबिक (Raipur) सरस्वती नगर पुलिस के पेट्रोलिंग टीम ह भ्रमण म रवाना होय रिहिन। ए दौरान जगन्नाथ चौक करा पुलिस ल मुखबिर ले सूचना मिलिस कि वाटिका नगर म कोनो व्यक्ति ह सट्टा-पट्टी लिखत हे।

सूचना के आधार म (Raipur) पुलिस टीम ल वाटिका नगर म दबिश दिस, त एक व्यक्ति ह सट्टा-पट्टी लिखत मिलिस। जेखर ले पूछताछ करे म ओ ह अपन नाम अशोक उर्फ कन्नु नत्थानी बताइस। पुलिस ह आरोपी के करा ले कल्याण के तीन सट्टा पट्टी के संग 25 हजार रुपया नगद जब्त करे हे।